आयुष्य म्हणजे एक..
सुखदुःखाच्या धाग्यांनी विणलेला रुमाल असतो ,
प्रेम , त्याग , विश्वासाच्या रंगछटेचा ,
मौल्यवान खजिना असतो .
सकारात्मक भावनांची नागमोडी गुंफन ,
त्यावर अधिकचे खुलून दिसते ,
आप्तस्वकीयांच्या प्रेमाची ,
त्याला सुंदर किनार असते .
आयुष्याचा प्रवास जरी ,
असेल आडवळणाचा ,
परस्परांच्या विश्वासावर ,
इच्छित स्थळी पोहोचण्याचा .
आयुष्यात येणारचं आहेत ,
प्रसंग सुखदुःखाचे ,
पण फिके पडू देऊ नका ,
रंग आयुष्याचे .
पेलायची हिंमत ठेवा ,
नित्य नवी आव्हाने ,
तृप्ततेचा भाव चेहऱ्यावर ठेवून ,
राहू एकमेकांशी प्रेमाने , गुण्यागोविंदाने .