मैत्री म्हणजे एक ,
मखमली धागा असतो ,
निखळ प्रेमाचा तो ,
आरसा असतो .
कारण त्यात असतो ,
विश्वासाचा ओलावा ,
जीवनाच्या वैशाख वणव्यात ,
जणू पावसाचा शिडकावा .
मैत्री म्हणजे ध्यास ,
मैत्री म्हणजे नातं ,
रक्ताच्याही पलीकडलं ,
रक्तामध्ये भिनलेलं ,
मैत्री म्हणजे श्रावणधार ,
हक्काने कान पकडून ,
चूक , उणीव दाखवणारा ,
आश्वासक आधार .
मैत्री म्हणजे निस्वार्थी प्रेम ,
हृदयाच्या सरगम मधील गाणी ,
सुखामधे तरळणारे ,
नयनांमधील पाणी .