परकाया भाग ४५

जय ने तिला उचलून बेड वर ठेवले .. तिचं चेहऱ्यावर पाणी मारले .. तिला ग्लास भर पाणी पाजले

जय " काय होतंय ? चक्कर का येतेय ? चल आपण डॉक्टर कडे जाऊ या "

वसू ने त्याचा हात पकडला

वसू -  "जय  सॉरी .. मी खरच  सांगते मी हे नाही  केलेय ..माझ्यावर विश्वास ठेव .. मला हेच कळत नाही मी तिकडे काय करत होते .. जय मला जवळ घेना .. मला खूप थकल्या सारखे वाटतंय .. असे वाटतंय मी खूप काम करून माझी सगळी  ताकद संपलीय आता "

जय ने तिला कुशीत घेतले .. तिचा हात घट्ट त्याच्या हातात पकडून दोघे पुन्हा झोपून गेले ..

जय मनात विचार करत होता

  "का असे करतेस वसू ? नको ग अशी वागूस .. मी कसे सांगू तुला मी किती प्रेम करतोय तुझ्यावर ? मी जगू नाही शकणार तिझ्याशिवाय .. माझा श्वास आहेस तू .. सॉरी मी तुला खूप त्रास दिलाय .. तू असे नको करुस .. प्लिज वसू माझ्यासाठी तुला जगावेच लागेल .. असे पुन्हा नको करुस .. कसला आणि कशाला एवढा स्ट्रेस घेतेस ग ?  "

विचार करता करता जय ला झोप लागली

सकाळी उठले तर जय ने तिचा हात इतका घट्ट पकडून ठेवला होता कि सोडवल्यावर तिच्या हातावर त्याच्या हाताचा वळ उठला होता .

वसू उठली नेहमी प्रमाणे तिचे आवरून किचन मध्ये नाश्ता आणि डबा करत होती .. थोड्या वेळाने  जय उठला तो पण फ्रेश होऊन बाहेर आला .

जय "गुड मॉर्निंग .. कशी आहेस ?"

वसू "हमम .. ठीक आहे "

जय "वाटत तर नाहीस बरीं .. तो दुधाचा गॅस बंद कर "

वसू  "अ .. हो .. जय समोर नाश्ताची डिश ठेवली आणि कपात चहा ओतला दोघांसाठी "

दोघे समोरा  समोर नाश्त्याला बसले .. कोणच बोलत नव्हते ..