पाहिले न मी तुला..! भाग - सात.
या अटीवर तिने त्यांना यायला होकार दिला.
कार चालवत असलेल्या शेखर कडे बघून पल्लवी विचारत होती. तिचे म्हणणे खरे होते. शेखरचा चेहरा सकाळपेक्षा बराच खुलला होता.
" हम्म! स्पेशल तर आहेच. आज माझ्या लाडक्या बहिणीचा वाढदिवस आहे ना! पल्लवीच्या वाढदिवसाने माझ्याही मनाला प्रसन्नतेची पालवी फुटलीय." हसून तो.
"चल, खोटं बोलू नकोस हं! माझा बर्थडे तर तू विसरला होतास आणि जेव्हा कळले तेव्हाही काही फारसा हॅपी नव्हतासच. हॉस्पिटल मध्ये कोणीतरी भेटलं, ज्यामुळे तू आनंदी आहेस. हो ना?" त्याच्याकडे बघत ती.
" खरंच? कोण? ती रिसेप्शनीस्ट?" आश्चर्याने ती.
" नाही गं. तिच्यासमोर बसलेली ती छोटूशी गोड मुलगी होती ना? ती."
" काहीही हां ब्रो! मी लहान आहे म्हणून मला उल्लू बनवू नकोस. एवढी छोटी मुलगी तुझी मैत्रीण कशी असणार?" पल्लवी.
" पल्ली, मैत्री काय कुणाशीही होऊ शकते. ती मला कालच भेटली होती."
" काल? कुठे एअरपोर्टला? " ती.
"नाही गं. एका पार्क मध्ये." हसून तो.
" "काल तू पार्कमध्ये गेला होतास? एकट्याने?" तिच्या चेहऱ्यावर आश्चर्य.
"हम्म! एअरपोर्टवर उतरल्याबरोबर वाटलं जिथे अनु आणि मी पहिल्यांदा डेटवर गेलो त्याच ठिकाणी पुन्हा जाऊन इथले आयुष्य सुरु करावे. म्हणून गेलो होतो." त्याचा आवाज हळवा झाल्याचे तिला जाणवले.
" सॉरी दादू! मला तो विषय नव्हता काढायचा. " ती.
" नाही गं, तू का सॉरी म्हणतेस? त्या बागेमध्ये आमच्या आठवणींच्या काही पाऊलखुणा सापडतील म्हणून गेलो होतो, त्या तर सापडल्या नाहीत पण ती गोंडस परी भेटली आणि पहिल्या भेटीतच माझी मैत्रिण झाली. "
छवीबद्दल बोलतांना त्याच्या डोळ्यात वेगळीच चमक तिला जाणवत होती.
" ओह! इतक्यात आले पण? दादू तू सुद्धा चल ना. आमच्यासोबत जॉईन हो."
" नको गं. मी घरी जाऊन झोप काढतो. तुझं आटोपले की कॉल कर, मी घ्यायला येऊन जाईन."
"नक्की?"
" हो, बाय! अँड एन्जॉय!" त्याने घराच्या दिशेने कार वळवली.
"माझा गुलाब किती सुकलाय गं!"
"अगं आजी, एवढं काही नाही झालेलं. आय एम अ स्ट्रॉंग गर्ल!" छवी.
"हो, आहेच माझं पिल्लू स्ट्रॉंग!"
त्यांनी स्वतःला सावरले. काही वेळ तिथे थांबल्यानंतर इच्छा नसतानाही घरी परतल्या.
"बाळकृष्णा, एवढ्याशा जीवाला का रे त्रास सहन करायला लावतो आहेस? कसल्या चुकीची तिला ही शिक्षा?
आरोग्यम धन संपदा..!"
डॉक्टर निशांत सकाळच्या राऊंडला आले होते.
तिने त्यांच्याकडे बघून आपले ओठ रुंदावले.
"मग आज घरी जायचेय ना?" डॉक्टर.
"हो. पण डॉक्टर अंकल मला परत यावे लागेल आहे का?"
आपले घारे डोळे त्यांच्यावर रोखून तिने विचारायला लागली.
"हम्म! पण आत्ताच नाही. पुढल्या आठवड्यात यावे लागेल." ते.
एवढं बोलून ते खोलीबाहेर जाणार तोच छवीच्या निरागस आवाजाने त्यांना थांबण्यास भाग पाडले.
"डॉक्टर अंकल, मला काय झालेय ते सांगा ना."
" ह्या गोड परीच्या रक्तातील पांढऱ्या पेशी ना जरा जास्तच वाढल्या आहेत. त्या कमी व्हायला हव्यात ना म्हणून आपली ट्रीटमेंट सुरु आहे. " तिचे गोबरे गाल हलकेच ओढत तो म्हणाला.
"पांढऱ्या पेशी म्हणजे सोल्जर्स ना? मग ते वाढले तर चांगलेच तर आहे. माझ्या बॉडीतील जर्म्स सोबत 'ढिशुम ढिशुम' करून फायटिंग खेळतील ना. मग हे मॅजिक औषध कशाला?"
तिचे प्रत्येक बोल, प्रत्येक वाक्य, प्रत्येक प्रश्न आसावरीच्या हृदयाला घरे पाडत होते.
"छवी, किती गं प्रश्न विचारशील? डॉक्टर अंकलना इतर पेशंट देखील तपासायचे असतील ना?" आणखी पुढे काही विचारणार म्हणून आसावरीने तिला मध्येच थांबवले.
"विचारू द्या हो. तिच्या शंकेचे निरसन करणे माझे कामच आहे.
तुला वाटतेय ना की त्या पेशी सोल्जर्स म्हणजे सैनिक आहेत?"
" खरं आहे ते. त्या पेशी म्हणजे सैनिकच. पण अर्धवट प्रशिक्षण घेतलेले सैनिक! मला सांग, एखाद्या युद्धामध्ये असे अर्धवट शिकलेले सैनिक 'ढिशुम ढिशुम' करू शकतील काय?"
" काय होईल? " डोळे विस्फारून ती.
" तर या चिमुकल्या छवीच्या रक्तातील ट्रेंड झालेल्या चांगल्या सोल्जर्सना रहायला जागाच उरणार नाही. मग चांगले सोल्जर्स 'ढिशुम ढिशुम' करू शकतील काय?"
" नाही!" छवीने त्याला टाळी दिली.
तिने "हो!" म्हणून मान डोलावली.
" थँक्यू लिटल!"
निशांतचे पाय त्याच्या केबिनकडे वळले.
छवीच्या आजारपणात लढताना तुम्ही आजारी पडायला नको. तुम्ही खंबीर रहायला हवे. छवी खूप गोड मुलगी आहे. शिवाय ती शूर देखील आहे, अगदी तिच्या मम्मासारखी!
हा शूरपणा तुम्हाला टिकवावा लागेल." तिच्या डोळ्यात बघत निशांत सांगत होता.
"हो डॉक्टर! काही झाले तरी मी खचणार नाही. हे माझे प्रॉमिस आहे स्वतःशीच."
आसावरी.
" गुड! तुम्ही आता तिला घरी घेऊन जाऊ शकता. "
कारमधून उतरल्याबरोबर छवीने धावत जाऊन रजनीताईंना मिठी मारली.
"अरेच्चा! माझा गुलाब आला होय!" त्यांनी तिला आलिंगन दिले.
"आजी मला तुझी खूप आठवण येत होती." पिटुकला चेहऱ्याने छवी.
"मलापण! आता आलीहेस ना, बघ तुला कसं छान छान खाऊ घालते." त्या तिला आत घेऊन गेल्या.
" काकू डॉक्टरांनी हा डाएट चार्ट दिलाय. त्यानुसार तिला खायला द्यायचे आहे." त्यांच्यापुढे दवाखान्यातील आहारतज्ञानी बनवून दिलेला तक्ता देत आसावरी.
"बरं बाई. मी त्यानुसार जेवण बनवणार. ठीक आहे ना?"
"मम्मा! मी तुला खूप त्रास देते ना गं? "
" नाही रे सोन्या. कोण बोलले असं?"
"मला कळतं. माझ्यामुळे दोन दिवस तुझ्या ऑफिसला दांडी झाली ना? उद्या गेल्यावर तुला किती काम पडेल." चिमण्या चेहऱ्याने छवी.
"त्याचं काय गं? तुझी मम्मा सुपरवूमन आहे. ऑफिसमधील काम लगेच संपवेल. ऑफिसला दांडी झालेली चालेल पण तुला काही झालेलं नाही चालणार ना?
माझी प्रॉयारिटी आहेस तू. ऑफिस सारखे ऑप्शन नव्हे. कळतंय का?"
तिची पापी घेत ती.
" नाही गं नाही कळले." तिने आपली मान हलवली.
"म्हणजे माझ्या वेड्या कोकरा, यू आर सो प्रेशिअस फॉर मी! माझे प्लॅटिनम आहेस तू. त्यापेक्षा खूप जास्त मौल्यवान आहेस. मम्माची स्पेशल गर्ल आहेस. मम्मा लव्ह यू सो सो सो ss मच!"
"छवी अल्सो लव्ह यू सो सो सो ss मच!"
तिने मांडीवरून उठून आसावरीला मिठी मारली.
"सॉरी मम्मा! मी मघा तुला तसे म्हणाले." ती.
"नुसते सॉरी म्हणून काम नाही चालणार. तुला पेनल्टी द्यावी लागेल, माहिती आहे ना?" लटक्या रागाने आसावरी.
"हो माहितीय. पेनल्टी म्हणजे गोड गोड किशी!" तिने आसावरीच्या गालावर पापी दिली.
"आय लव्ह यू मम्मा!"
"मम्मा तू किती छान आहेस गं! माझे किती लाड करतेस. तू छोटी असतांना तुझी मम्मासुद्धा असेच लाड करायची?"
" हूं!" आसावरी बोलली.
" पण तू आजीला काकू का म्हणतेस? 'आई' किंवा माझ्यासारखं 'मम्मा' का नाही म्हणत?"
"अगं माझे राणी, आईला कोणत्याही नावाने हाक मारली तरी तिचे प्रेम कमी - जास्त नाही होत गं.
ती माया, ते प्रेम सगळे सेमच असते! झोप आता." ती तिचा गालगुच्चा घेत म्हणाली.
आसावरीच्या डोक्यात मात्र तिच्या प्रश्नांचा भुंगा गोल गोल फिरत होता.
तिचे करपलेले बालपण!!
.
.
.
क्रमश :
काय दडलेय आसावरीच्या बालपणात? कळण्यासाठी वाचत रहा, कथामालिका..
पाहिले न मी तुला..!
छवीला झालेला आजार आणि त्यावर आलेल्या तुमच्या प्रतिक्रिया.. काय उत्तर द्यावं मला सुचेना. अँपवर तर मी कोणालाच उत्तर देऊ शकले नाही, त्याबद्दल सॉरी! खरे तर मला ह्या प्रतिक्रिया अपेक्षित होत्या. एवढ्याशा मुलीला हा आजार! का? कशी लढेल ती? कशी सामोरी जाईल?
त्याचे उत्तर आज देतेय. ती सामोरी जाईल, नक्कीच जाईल. तुम्हा सगळ्यांचे प्रेम सोबत आहे ना!
खरं तर लहान मुलांना एवढे प्रश्न पडत नाहीत जे आपल्या मोठया माणसांना पडतात. ह्या आजाराची भव्यता त्यांना माहीत नसते. पुढे होणारे कॉम्प्लिकेशन्स, त्रास.. त्यांना नाही कळत.
देवाने किंवा निसर्गाने म्हणा पण या चिमण्या लेकरांना भविष्याचा तेवढा विचार न करण्याचे एक वरदान दिलेय असं समजूया. ते फक्त वर्तमानात जगतात. भविष्याशी त्यांचे काही देणेघेणे नसते. कदाचित म्हणूनच एखादी मोठी व्यक्ती आजारी पडेल आणि लहान मुलाला सारखाच आजार असेल तरी लहान मुल लवकर बरे होतो कारण त्याला त्या आजाराची भीती नसते, चिंता नसते.
निशांत आणि छवीचा वरचा संवाद ऐका (वाचा ) त्याने किती सोप्या शब्दात तिला समजावले आणि ती सुद्धा समजली.
मोठी माणसं वागतील का अशी?
धन्यवाद!
**********