नोकरी- यशाचा मार्ग

आता सगळ्यात महत्त्वाचा मुद्दा म्हणजे संभाजीनगर संघाने मांडलेला भ्रष्टाचाराचा मुद्दा. त्यांच्या मते नोकरी ही गुणवत्तेने नाही तर वशिला पैसे किंवा आरक्षणाच्या मार्गाने मिळते. तसेच त्यांनी असेही विधान केले आहे की टेबलाखालून पैसा देऊन सरकारी नोकरी मिळते. त्यामुळे तोच पैसा नोकरीसाठी नं देता व्यवसायात ओतून राजा होणे उत्तम...
हे पण मी काही अंशी मान्य करते की काही ठिकाणी वशिला देऊन किंवा घूस देऊन नोकरी मिळवली जाते. पण प्रत्येक ठिकाणी हा प्रकार घडत नाही. आणि सहजासहजी मिळतील अश्या नोकऱ्या या कुठे आहेत आता? अहो स्पर्धा इतकी वाढली आहे की पहिलीतली मुलं सुद्धा पहिल्या नंबर साठी रात्र रात्रभर जागून अभ्यास करून मार्क मिळवतात. कारण आताच्या पिढी मध्ये तितके अंबिशन्स आणि पोटेन्शिअल आहेत.
आता राहिली गोष्ट लाच देऊन किंवा वशिला लावून नोकऱ्या मिळवणे तर एखाद्या मोठ्या हॉस्पिटल्स मध्ये जें काही डॉक्टर्स काम करतात ते त्यांना त्यांच्या पोटेन्शीयल, हुशारी आणि हार्ड वर्क पाहून काम दिलं जात. तसेच शाळांमध्ये, मग ती शाळा छोटी असो वा मोठी त्या प्रत्येक शाळेचे शिक्षक आणि शिक्षिका हे त्यांच्या हुशारी, चिकाटी आणि उत्तम शिक्षण यामुळे काम दिलं जातं... पोलीस भरती आणि सैन्य भरती साठी त्या व्यक्तीची ताकत, एलीजीबिलीटी, पर्सनॅलिटी, आत्मविश्वास आणि महत्वाचं म्हणजे योग्य शिक्षण या आधारावर नोकरी दिली जाते. आता तुम्ही या सगळ्या नोकऱ्यांना भ्रष्टाचारशी जोडल्या तर कल्याण आहे.....