स्वागत नव्या वर्षाचे..

संपले वर्ष दोन हजार एकवीस
सुरू झाले वर्ष दोन हजार बावीस

दिवसामागून दिवस सरले
दरवर्षाप्रमाणे हे ही वर्ष गेले

आठवणीत राहून जाते प्रत्येक वर्ष
देवूनी कधी दुःख तर कधी हर्ष

दरवर्षी चं स्वप्न पाहतो,संकल्प ही करतो
आणि ते पूर्ण होण्याची आशा बाळगतो

कास धरूनी इच्छा, आकाक्षांच्या पूर्णत्वाची
आनंदाने वाट पाहतो नववर्षाची

गेलेले वर्ष बनते आठवणींचा भूतकाळ
येणारे वर्ष असते अपेक्षांचा भविष्यकाळ

नेहमीप्रमाणे वर्ष येते आणि संपते
हे कालचक्र अविरत सुरु राहते

संपलेले वर्ष खुप काही देवून जाते
पुढील वर्षासाठी जगण्याची उम्मेद देते

गतवर्षातील दुःखांनी मन हैराण होते
नववर्षातील आशा,संकल्पांनी मनात चैतन्य येते

देवूनी निरोप गतवर्षाला स्वागत करतो नववर्षाचे
स्वप्न उराशी बाळगून आनंदी जीवन जगण्याचे