नंदिनी श्वास माझा २

आल्यापासून आता तो तिला नीट बघत होता. शेवटची भेट झाली होती तेव्हा ती १२-१३ वर्षांची असेल. आता चक्क १८ वर्षांची तरुणी झाली होती. फिक्कट हिरवा कुर्ता, तसाच पटियाला सलवार आणि त्यावर डार्क हिरवी ओढणी... कंबरेखाली जातील एवढे मोकळे कुरळे काळे केस, त्यातील थोडे केस मागे घेऊन क्लिपमध्ये अडकवले होते. काही चुकार बटा कपाळावर कानाजवळून पुढे आल्या होत्या. कपाळावर छोटीशी चंद्रकोर टिकली, घारे हिरवे डोळे , छोटासे नक्ट्ट नाक, धनुष्यबाणच्या आकाराचे नाजूक ओठ , थोडा लंबोळका गोल चेहरा खाली छोटीशी निमुळती हनुवटी, निगरागस चेहरा, चेहऱ्यावर थोडे मस्तीखोर भाव , रंग मोत्या सारखा चमकदार.. उंची ५.४ इंच असावी , उंचीला शोभेल असा कमनीय बांधा. ती खूप सुंदर दिसत होती.