"तर्री पोहा"
चला तर मग आधी आपण तर्री कशी बनवायची ते बघूया . त्यासाठी लागणारे साहित्य खालीलप्रमाणे ...
आता पॅनमध्ये तेल घालणे . तेल जरा जास्त घालणे कारण तर्री म्हटल्यावर तेलाचा तवंग वरती दिसायला हवा . तेलात मोहरी जीरे तडतडल्यानंतर हिंग आणि हा वाटलेला कांद्याचा मसाला घालून छान परतवून घेणे . त्यात लाल मिरची पावडर हळद धने पावडर वऱ्हाडी मसाला कसूरी मेथी हे सर्व मसाले घालून झाले कि छान तेल सुटेपर्यंत परतून घेणे . आता तुम्हांला मी इथे एक टीप देते ... कुठलीही पातळ मसाला भाजी बनवतांना त्यात एक चमचाभर बेसन पीठ घातल्यावर रस्सा छान असा दाटसर होतो त्यामुळे ह्या भाजीत पण एक चमचा बेसन पीठ घालून छान एकत्र करून घ्यायच मसाल्यात . आपला मसाला परतवून झाला की मग त्यात शिजवलेले काळे चणे म्हणजेच हरभरे घालून घेणे तसेच एक ग्लासभर पाणी घालणे आणि मंद आचेवर उकळायला ठेवणे . चवीनुसार मीठ पण लागलीच घालणे .
आता त्यात दोन टोमॅटो मोठे काप करुन म्हणजे दोन किंवा चारच फोडी करून त्यात घालणे आणि पुन्हा उकळायला ठेवणे . पंधरा ते वीस मिनिटे बारीक गॅसवर छान उकळल्या नंतर आता यात वरतून बारीक चिरलेली कोथिंबीर घालून घेणे . आपली तर्री तयार आहे .
आता आपण पोह्याची रेसिपी बघूया
एका कढईमध्ये तेलात मोहरी तडतडल्यानंतर जीरे आणि शेंगदाणे घालून खरपूस तळून घेणे . आता त्यात हिरवी मिरची कढीपत्ता आणि कांदा परतवणे . कांदा छान गुलाबीसर झाल्यावर त्यात हळद घालणे . आता यात भिजवलेले पोहे घालून त्यात चवीनुसार मीठ घालून छान सर्व एकजीव मिक्स करून घेणे . तुम्हांला आवडत असेल तर साखर एक चमचा घालणे . त्यावर झाकण ठेवून पाच मिनिटे वाफ देणे आणि नंतर बारीक चिरलेली कोथिंबीर घालून एकत्र करून घेणे .
आपले पोहे तयार आहेत . तुम्हांला बटाटे किंवा हिरवे ताजे वाटाणे आवडत असेल तर यात कांद्यासोबत ते देखील परतवून घ्यायचे म्हणजे कांद्यात घालून झाकण ठेवून शिजवून घ्यायचे .
किचन तुमचे आणि रेसिपी माझी .
करून पहा आणि सगळ्यांना खाऊ घाला , ह्यापेक्षा जास्त आनंद कशातच नाही .
मला वाचत रहा आणि असेच नवनवीन रेसिपी बनवून खात रहा .
धन्यवाद
सौं तृप्ती कोष्टी