मुखवटे अंतिम भाग

"मीनल एका गरीब कुटुंबातील होती. तिला खरी आई नव्हती. सावत्र आईचा खूप त्रास होता. मीनलने सावत्र आईचा त्रास सहन करत आपले शिक्षण पूर्ण केले होते. लग्न करून सुखी संसाराची तिने स्वप्न पाहिले होते. मुलगा मुंबईत नोकरीला आहे, दिसायला चांगला आहे. त्यामुळे मीनलच्या आई बाबांनी तिचे लग्न ठरवले. मीनलही खूप आनंदी होती. लग्न झाल्यावर सासरी आल्यावर सुरुवातीला तिला सर्व छान वाटत होते. तिची इच्छा म्हणून त्यांनी तिला नोकरी करू दिली. पण तिचा नवरा तिला शारीरिक सुख देऊ शकत नव्हता. हे तिला जाणवत होते. आपली ही समस्या माहेरी सांगून काही होणार नव्हते. माहेरी सावत्र आई आणि आपले दुःख वडिलांना सांगून अजून ते दुःखी होतील. त्यामुळे तिने माहेरी न जाण्याचे ठरवले. पण आता घर सोडून जाणार तरी कुठे? म्हणून ती मन मारून इथेच राहत होती. कामात आपले मन रमवत होती. लग्न झाल्यानंतर तिलाही मातृत्व हवे होते व तिच्या नवऱ्याला, सासूबाईलाही घरात मूल हवे होते.