मनोभूमीतले युद्ध भाग-८(अंतिम)

ह्या मध्ये ती व्यक्ती कधीच कोणावरती पटकन विश्वास ठेवत नाही आणि मनातल्या मनातच ज्या गोष्टी झाल्या नसतील त्या झाल्या असतील असा ते ग्रह करतात. स्वतःच कल्पना करून असेच असेल म्हणून ते गैरसमज करून विचार करायला लागतात. कधी त्यांना पुरावे दाखवले तरी ते त्यावर विश्वास ठेवत नाहीत आणि सतत संशय त्यांच्या मनात येत राहतो. जास्त कोणात ते मिसळत नाहीत आणि कधी कधी भयंकर राग येऊन समोरच्या व्यक्तीला इजासुद्धा ते पोहोचवू शकतात. आपल्या जवळच्या माणसांबद्दल खास करून जोडीदार आणि कुटुंब यांच्याबद्दल सतत त्यांच्या मनात असुरक्षितता निर्माण होऊन ते अनेकदा त्यांचा पाठलाग करणे किंवा त्यांच्यावर नजर ठेवणे हेही काम करतात. रागात त्यांच्याकडून नको त्या चुका होत राहतात. हे सर्व निखिलने शुभाला थोड्या वेळापूर्वी सांगितले होते.