मन हे तुझ्यात गुंतलेभाग ६

विचारात पड.ला बराच वेळ उलटला होता, राधाला संकेत work space  मध्ये दिसला नसल्याने ती त्याला शोधत कॅफेट एरिया मध्ये आली. संकेत एका टेबलवर डोक्याला हात लावून बसला होता. राधा त्याच्यापाशी येऊन बसली. संकेतने तिच्याकडे पाहिलं, पण काही बोलला नाही. राधा मात्र समजूतदारपणे त्याचं लक्ष वेधून घेत होती. तिला कळून चुकलं होतं की संकेत केवळ चुकून अडचणीत आलेला नाही, तर त्याचा आत्मसन्मानही खोलवर दुखावलेला आहे.संकेत स्वतःला सावरत होता, पण त्याचं मन मात्र वारंवार अशांत होत होतं.तो निर्दोष होता. पण त्याचा आत्मविश्वास हादरलेला होता.” मी काहीच चूक केलं नाही. पण जे काही घडलं… त्यात माझं नाव आलं. चोरीचा आरोप! माझ्यावर! आणि सर्वांच्या नजरा…सोड, नोकरी सोडून द्यावी असं वाटतंय पण कर्जाचा डोंगर एवढा आहे कि नोकरी पण नाही सोडता येत.” तो अस्वस्थ होत बोलताना राधा त्याला मध्येच अडवते.