लव ट्रँगल भाग १४

            कंपनीच्या प्रशस्त अश्या सार्वजनिक हॉलमध्ये कार्यक्रम ठेवण्यात आला होता. मोठमोठे उद्योगपती सुद्धा या कार्यक्रमाला हजर राहणार होते. हॉल मधील आयताकार स्टेजवर एक भलेमोठे टेबल लावले होते. त्याला लागूनच चार पाच खुर्च्या ठेवल्या होत्या. त्यातील दोन खुर्च्या व्हीआयपी होत्या.  बाजूलाच माईक उभा होता. स्टेज समोर पूर्ण हॉल मध्ये तशाच खुर्च्या एका रांगेत व्यवस्थित लावल्या होत्या. त्या खुर्च्या कंपनी मधील असिस्टंट, कर्मचारी, गार्डस, आणि बाहेरून आलेले इतर लोकांसाठी होत्या. आणि त्या खुर्च्यांच्या पाठीमागे वेगवेगळ्या चॅनेल्स चे रिपोर्टर उभे होते.
  "लेडीज अँड जेंंन्ट्लमन..." 'गरिमा' च्या गोड आवाजाने सर्वांचे लक्ष वेधले जाते. गरिमा ही कंपनीतीलच एक होतकरू असिस्टंट. एव्हाना सगळा हॉल गच्च भरला होता. काही उद्योगपती, जे प्रमुख पाहुणे म्हणून होते ते ही आले होते.
    "तुम्हाला कल्पना असेलच, आपण ईथे कशासाठी एकत्र आलो आहोत. आज कंपनीचा बर्थडे...म्हणजेच 'राईज विथ द सन' नामांकित कंपनी उभारण्यात आली. आणि ही कंपनी यशस्वीरित्या इथं पोहोचू शकली ती केवळ...
मिस्टर. 'नील सुभाषराव सरतापे...'  यांच्यामुळे... वेलकम सर... " गरिमाने अस म्हणताच टाळ्यांचा कडकडाट होतो.  आणि तोच इसम बुटांचा आवाज करत स्टेजवर येतो. तोच...जो कार मधून खाली उतरला....जो केबिन मध्ये दिपकशी बोलला. 'राईज विथ द सन' कंपनीचा मालक...नील सरतापे...आपला नील.....
        
         नील समोरील खुर्चीत येवून बसतो. त्याच्या नजरेत एक प्रकारची जरब दिसत होती. त्याच भारदस्त व्यक्तिमत्त्व सर्वानाच भुरळ घालत होत. सर्वांच्याच डोळ्यात त्याच्या बद्दल आदर दिसत होता.
" सर आजच्या या सुमधूर प्रसंगी तुम्ही काही बोलू शकाल." गरिमा अदबीने नीलला विचारते.
     "येस...व्हाय नॉट...अवश्य बोलेन त्याआधी मला या दोन व्हीआयपी खुर्च्या भरायच्या आहेत." अस म्हणून नील खुर्चीवरून माईक जवळ येतो.
   "कंपनीच्या यशामागे....प्रेरणेमागे ज्यांचा हात, आशीर्वाद आहे असे माझे प्रिय आई-बाबा...प्लीज कम अँड सीट ऑन धिस व्हीआयपी चेअर्स..." नील ने अस म्हणताच सुशीलाबाई आणि सुभाषराव स्टेजच्या  पाठीमागून येवून त्या व्हीआयपी खुर्चीत बसतात. आणि दोघीही कौतुकाने नीलकडे पहात असतात. आज सर्वार्थाने ते माय-बाप धन्य झाले होते. पोटच लेकरू जेव्हा यशाच शिखर गाठते तेव्हा जन्मदात्याचा आनंद
शब्दात मांडणे कठीणच.
------------------------------------------------------
               
                                            क्रमशः..........