Love Sky Is Not The Limit ३२

“आणि जिवंतपणी मरण काय असते, ते तुला आता मी दाखवणार....” म्हणतच तिने त्याची कॉलर पकडली. तेवढ्यात त्याचे बाकीचे मित्र तिच्यावर धावणार तोच तिने त्याला खोलीबाहेर ढकलले अन् खोलीचा दरवाजा बाहेरून बंद केला. तिचा अवतार बघून सचिन “ तो मी नव्हेच” ची साळसूदपणाची भूमिका घेत बाहेर आला आणि प्रिया कशी त्याला त्रास देत होती, त्याच्या मागे लागली होती अशी आपल्या आईवडिलांना चुकीची कथा सुनावू लागला. आज्ञा बरेच वेळ शांतपणे त्याची बडबड ऐकत उभी होती. एव्हाना आतमध्ये बंद असलेले त्याचे मित्रही बाहेर आले होते आणि सचिनच्या गोष्टीत हो ला हो करू लागले.