Love Sky Is Not The Limit 33

पोलिसस्टेशनमध्ये आज्ञा बरीच शांत बसली होती. तिचे बाबा सध्या निवडणुकांमध्ये व्यस्त आहेत, तिला माहिती होते. दुसरे कोणी जवळचे म्हणावे, असे कोणी नव्हते. आतापर्यंत जेवढे तिने समीरला जाणले होते, त्यावरून तो सुद्धा इथे येईल याची तिला शाश्वती कमीच होती. तिच्यावर त्याचे प्रेम आहे की नाही हा प्रश्नच नव्हता, पण त्याला हे मारामारी, गुंडागर्दी करणे आवडत नाही, तिला ठाऊक होते. समीरला काय आवडते तिला माहिती होते, पण तिने मात्र अजूनही स्वतःला त्याच्यासाठी बदलले नव्हते, कदाचित जशी आहे तशी त्याने तिला स्वीकारावी, अशी तिची इच्छा असावी.