Love: Sky Is Not The Limit 31

“आज दिसले नाहीत.. एकदा बघूनच घेते..” विचार करत तिने दारावर नॉक केले. आतून काही आवाज आला नाही, पण दार उघडेच होते. तिने आतमध्ये डोकावून बघितले तर आत कोणी नव्हते. ती हळूच आतमध्ये आली आणि इकडेतिकडे बघू लागली. एक छोटीशी खोली होती, त्यात एक कपाट, एक बेड आणि बाजूला टेबल खुर्ची. त्यालाच लागून बाथरूम. तिचे लक्ष एका भिंतीवर गेले तर त्यावर तिला मनुष्यरुपी सावली दिसली. तिने तिकडे बघितले तर तिच्या ओठांवर मोठी स्माइल आली. समीर तिथे पुढे असणाऱ्या एका छोट्या स्टॅन्डिंग बाल्कनी मध्ये उभा फोनवर बोलत तिला पाठमोरा होता.