लग्न गाठ - दि ऍडव्हान्स बुकिंग भाग १४

अवनी च्या मनात मात्र कोलाहल सुरु झाली होती .. आता पर्यंत सावनी शिवाय एक दिवस पण जात नव्हता आणि उद्या पासून माझी  सावनी मला भेटणार नाही .. मग मी आता कोणाची काळजी घेऊ .. कोणावर दादागिरी करू ? तिच्या इतके महत्वाचे अजून तरी कोणीच नाहीये माझ्या आयुष्यात .. आणि ती गेली मला सोडून .. मला एक साधा फोन पण नाही केला तिने .. तिला माझी आठवण पण नाही आली .. माहित  आहे सुशांत वर प्रेम आहे पण सुशांत च्या आधी पासून म्हणजे अगदी पाचवीत असल्या पासून ती माझी  बेस्ट फ्रेंड आहे .. आणि चक्क मला विसरून गेली .. सगळ्या गोष्टी मला विचारून करणारी सावनी एवढा मोठा निर्णय घेताना  तिला माझी  आठवण पण नाही आली ..

आज मन दुखले होते तिचे .. आता तिला विना कारण जोर जोरात रडावे असे वाटू लागले होते जरी ती सावनी साठी खुश आहे .. तिचे चांगल होणार आहे म्हणून खुश आहे पण आता तिची आणि सावनी ची ताटातूट झालीय हे तिला सहन होई ना .. मैत्रीच्या नात्याला आपण कधी एवढं मनावर घेत नाही पण त्यात सुद्धा खूप साऱ्या भावना असतात .. पझेसिव्ह नेस असतो .. अवनी ने सावनीशी कोणालाच बोलू दिले नाही कारण ती पझेसिव्ह होती तिच्या बाबतीत .. तिची काळजी तर वाटायचीच पण ती फक्त माझी आहे अशी एक भावना होती मैत्रीण म्हणून "

सावनी च्या आठवणीत अवनीच्या डोळ्यातून एक अश्रू ओघळला आणि तेवढयात दाराची बेल वाजली .. एवढया रात्री बारा वाजायला आले आणि आता कोण आले म्हणून अवनी च्या  आई ने दार उघडले आणि तिच्या मागे मागे अवनी आलीच