पुनर्विवाह (कृष्ण सखी)-१७६

सखीने सोनाईला निरोप दिला. कृष्णाची बाईक गेल्यावर सखी पुन्हा मोकळ्या मनाने घरात आली. घर ही तिच्या मनासारखंच मोकळं होतं. सोनाई, सुरज, कृष्णा आत्ताच गेलेले. गौरी, आरव खालच्या आळीला खेळत होते. तिने पदर खोचला आणि हातात केरसुणी घेतली. देवघरातील झाडू मारल्यावर ती ओटीवर झाडू मारत आली आणि उंबऱ्यात कचरा भरत असताना सहजच तिची नजर समोर गेली तेव्हा सुरेखा आरवला हसतच चॉकलेट देत होती.