खरा पाठीराखा

" आई तुम्हाला आठवतंय का ती संध्याकाळ. जेव्हा मी आॅफिसमधून घरी परत येत होते आणि अचानक मुसळधार पाऊस सुरू झाला होता. नेमका त्याच दिवशी यांना म्हणजेच तुमच्या लेकाला दुसऱ्या शहरात जावे लागले होते एका मिटींगसाठी. तेव्हा मी घरी येण्यासाठी कॅब बुक केली होती. जेव्हा कॅब आॅफिसमधून निघाली तेव्हा त्या कॅबड्रायव्हरला कोणाचा तरी फोन आला होता. त्याने फोन वर फक्त एवढेच म्हटले की," हो दोन मिनिटात येतोय." आणि फोन ठेवून मला म्हटला," मॅडम इथे जवळच माझे घर आहे.माझे बाळ आजारी आहे त्याचे औषध द्यायचे आहे ते देऊन मग तुम्हाला घरी नेले तर चालेल का ? कारण घरात दुसरे कोणी नाही औषध आणण्यासाठी बायको एकटीच आहे.जर तुम्ही नाही म्हणालात तर काही हरकत नाही मी तुम्हाला सोडून येऊन मग जाईन घरी."