खंत मनातील - ऊत्साह

! ऊत्साह !

आज पहाटे लवकरच नंदिनी ऊठली , आज सनीचा बारावीचा रिजल्ट लागणार होता , विचार करुनच तिला शहारुन येत होतं , गेल्या दोन वर्षांपासुन सारखी तिची धावपळ सुरु होती , एकुलता एक लेक असल्यामुळे विपीन आणि नंदिनीच सगळ लक्ष त्याच्याच कडे असायचं , त्यांना सनीला ऊच्चशिक्षणासाठी परदेशात पाठवायचे होते , त्यामुळे विपीनची बदली जवळच असणार्‍या तरी दोन तासाच्या अंतरावर असणार्‍या गावी झाली पण सनीच पुढल वर्ष बारावीच म्हणुन दोघांनी मिळुन घेतलेला निर्णय , 

नंदिनी , सनी सोबत पुण्यातच थांबेल आणि विपीन बदलीच्या ठिकाणी एकटाच जाईल , 

एवढेच काय त्याला डिस्टर्ब नको व्हायला म्हणुन विपीनही फार कमी येणजाण करत होता घरी , नंदिनीने पटापट घरची कामे ऊरकलीत , सनीला ऊठवुन तयार व्हायला सांगीतले , 

दोघे ही अगदी जय्यत तयारी करुनच फोन जवळ बसलेत , कारण बोर्डात असणार्‍या नातेवाईकांकडून त्यांना रिजल्ट कळणार होता , तेव्हढ्यात फोन वाजला नंदिनीने घाईनेच ऊचलला , अहो वहीनी सनीला 90% मार्क्स पडलेत , व्वा वा भाऊजी छानच बातमी दिलीत , अभिनंदन वहीनी , धन्यवाद भाऊजी , म्हणुन तिने फोन ठेवला आणि सनीला मिठीच मारली , अभिनंदन सनी खुप छान मार्क्स मिळविलेस बेटा , सनीही खुप खुश झाला आणि लगेच ही बातमी आॅफीसमधे असलेल्या विपीनला कळविली .

०००

अरे पुंडलिक , कुठे गेला हा !

विपीन सरांनी आॅफीस मधे बसल्या बसल्या आपल्या प्यून ला आवाज दिला मोठ्यांने , आणी टेबलवरची बेल दोन तीन दा वाजविली , 

तसेच धावतच गडबडीने पुंडलिक आत येत त्यांना म्हणाला , साॅरी सर ती तुम्ही दिलेली फाईल मी दोन नंबर टेबल वर द्यायला गेलो होतो , 

बरं ते ठिक आहे तुला आनंदाची एक बातमी सांगायची आहे , माझा मुलगा सनी बारावी पास झालाय आताच फोन आला मला , 90% मार्कस मिळालेत त्याला ! 

अरे वा सर अभिनंदन सर ! 

धन्यवाद तुझे , आज मी खूप आनंदात आहे , 

तू जा दूकानात आणी मिठाई घेऊन ये दोन किलो , 

पुर्ण आॅफीस मधे वाट ! 

हो ठिक आहे सर म्हणत पुंडलिक सरांनी दिलेले पैसे घेऊन आॅफीस च्या बाहेर गेला , 

आनंदातच विपीन ने नंदिनीला काॅल केला , 

अगं नंदू मी काय म्हणतो , आज सनीच्या आवडीचे पदार्थ बनव सगळे ,,,नाहीतर असे कर हाॅटेल मधे आॅर्डर दे ,,, नाहीतर असे कर त्याला ने हाॅटेलमधे , काय पाहीजे ते खाऊ घाल , दुकानात ही घेऊन जाशील हां त्याला , त्याच्या आवडीचे कपडे घेऊन दे ,,, त्याला वुडलॅन्डचा बुट हवा होता ना ? तो सुद्धा घेऊन दे,,,आणी ,,,, आणी,,,

हो हो हो विपीन राव भलतेच लेका वर खुश झालात,,,,

जरा दम घ्या हो ,,, त्याच्या यश मिळवण्यात तुमचा अमाप वाटा आहे , तुमच्या घरी येण्याने त्याच लक्ष अभ्यासापासुन विचलीत होईल म्हणुन तुम्ही किती मनावर ताबा ठेवलात , एकटे दिवस काढलेत तिथे , तुमचही खुप खुप अभिनंदन सर जी ! धन्यवाद नंदू , तू मला समजतेस , खरेच कधी कधी वाटायचं काय मुर्खा सारखे वागतोय आपण , 

शिकेल जेवढ शिकायचं ते , जेवढे मिळवायचे टक्के तेवढे मिळवू दे , चल जाऊ आपण पुण्यात , पण लगेच आपल स्वप्न आठवलं की वाटायच राहीलेत किती दिवस आता ,,,

हो हो महाशय पुरे स्वतःच कौतुक ,

म्हंटल माझ पण कौतुक व्हायला पाहीजे की नाही थोडं ,

हो गं खरेच ! तुझे तर विशेष कौतुक नंदू ,, मी तिथे नसताना , तूच मॅनेज केलेस सर्व , आई बाबांकडेही लक्ष पुरवत होतीस , तुझे तर करावे तेवढे कौतुक कमीच होतील ! 

पुरे पुरे महाशय , गेले वर्षभर त्याच्याच तर मागे होते मी ! तुमची पण फिकीर नाही केली , एकटेच तुम्ही लांब राहताय ! पण आता मी आणी सनी काही दिवसांसाठी तुमच्या कडे येणार आणी मग त्याच्या अॅडमिशनच बघाव लागेल ,,, तुम्हाला आता काही दिवस सुट्टी काढावीच लागेल , जरा बाहेर फिरुन पण येऊया काही दिवस , पण आता मला आपण सोबतच राहावे असे वाटते , 

हो गं नंदू मी पण एकटा इकडे बोअर झालोय सारखी तुम्हा दोघांची आठवण येते !

बरे आता मला धीर धरवून होत नाहीये , 

मी आजच सुट्टी टाकून निघतो ! 

अहो पण आता ऊशीर होईल ना निघायला ! 

ते काही नाही मला सनी ला सरप्राईज द्यायचे आहे ! 

त्याला सांगू नकोस मी येणार म्हणुन , 

पण आम्ही येऊच ना तिकडे , 

हो गं तो रिजल्ट हातात आल्यावरच तुम्हाला येणे जमेल , 

ह्या निमीत्ताने आईबाबांची पण भेट होईल , 

ते काही नाही मी येतोय संध्याकाळी ,

बरे बाबा ठिक आहे या मग , 

तुमच्यापण आवडीचे पदार्थ बनवते .

विपीन सरांनी अॅप्लीकेशन लिहीले , 

तेव्हढ्यात आॅफीस स्टाफ केबीन मधे आला , 

सगळ्यांनी सरांचे अभिनंदन केले ,

विपीन तर भलतेच खुश झालेत , 

बोलता बोलता कुणीतरी म्हणाले , 

पार्टी तो बनती है सर ! 

मग काय सगळ्यांनी एका सुरातच म्हंटले सर पार्टी हवी आज ,

बरे बाबा ठिक आहे , चला माझ्याकडून तुम्हाला आज पार्टी ! पण संध्याकाळी मला पुण्याला जायचे आहे घरी , 

तेव्हा आता च थोड्यावेळात आपण जेवायला जाऊ हाॅटेलमधे ,

पण सर आॅफीस तर पाच वाजता बंद होईल मग कसे ! 

अरे हो विसरलोच की ! बरे मग असे करु ! 

आॅफीस बंद झाल्यावर जाऊ जेवायला , 

मी पुण्याला जायच्या तयारीतच येतो ! 

जेवण झाले की लगेच निघतो , दोन तासात पुणे ! 

मग ठरल्या प्रमाणे , एका हाॅटेल मधे पार्टी झाली , ड्रिंक्स ची पण आॅर्डर देण्यात आली , आधी नाही म्हणणारे विपीन सर मग दोन तीन पेग रिचवून जेवण करुन पुण्यासाठी ऊशीरा हाॅटेलमधून बाहेर पडले , स्वतः कार चालवत ते रस्त्याने वेगात निघाले , आता त्यांना घराची अजूनच ओढ वाटू लागली , 

तसा गाडीचा वेग ही वाढला ,

आणी एका वळणावर नको तेच झाले ,,,

समोरुन आलेल्या ट्रकची समोरा समोर धडक लागली , 

धडक एवढी जबर कि कारचा पुढला भाग पुर्ण चेपला ,

आणी विपीन चे पाय त्यात अडकले ,

पण ट्रकवाला चांगला असल्यामुळेच त्याने लगेच त्यांना बघीतले , अॅम्बुलंसला फोन केला , अर्ध्यातासात अॅम्बुलंस आली , पुण्याला हाॅस्पीटल मधे त्यांना घेऊन गेलेत , 

घरी कळवले ! रात्री एक ला माहीती मिळाल्यावर नंदू आणी घरचे सगळेच रडत हाॅस्पीटल मधे आलेत , 

थोड्या वेळाने आॅपरेशन झाले त्यांच्या पायाचे , 

शांत व्यक्तिमत्वाचे विपीन सर ,

आजमितीला एक पाय गमावुन विचार करतायत मी कशी एवढी गंभीर चूक करु शकतो ,,,! 

नंदिनी स्वतःला दोष देतेय , 

मी त्यांना अडवायला पाहीजे होते वेळीच,,,,! 

सहकार्‍यांना पश्चाताप होतोय , 

आपण पार्टी मागायला नको होती ,,,,! 

चुकलं कुणाच ,,,,! 

अती ऊत्साहाने पाय गमावला ,,,,!

सदसदविवेक बुद्धी जाग्रुत ठेवायला हवी कोणत्याही प्रसंगी ,

दुसर्‍या दिवशी जाऊ शकले असते , 

दारु पिऊन कधीही गाडी चालवू नये !

सत्य घटने वरुन प्रेरित !

०००००००