खंत मनातील - मैत्री काचे सारखी

! मैत्री काचे सारखी !

जतीन आणि सीमा खुप चांगले मित्र , अगदी बालवया पासून , एकाच शाळेत शिकायचे पुढे जतीनने इंजीनियरींग ला अॅडमिशन घेतली , सीमा ने फॅशन डिझाईनचा कोर्स करायचे ठरविले , खरे तर एकाच बिल्डिंग मधे राहणारे , शेजारीच म्हणाना , एकमेकांच्या घरी सुद्धा बिनदिक्कत येणेजाणे त्यांचे , आईवडीलांना दोघांच्याही मैत्रीचे विशेष कौतुक होते , 

कोर्सेस वेगळे झाल्यामुळे आता दोघांनाही जास्त वेळ नाही मिळायचा भेटायसाठी आणि आता त्यांच्या मित्रांमधे अजून नवीन मित्रांची भर पडली .

दोघे ही आपआपल्या काॅलेजमधे रमले , पण कुठेतरी एकमेकांना मिस करायचे , फोनवर बोलणे व्हायचे , मेसेजेस पाठविले जायचे , कधीतरी बिल्डींग खालीच भेट व्हायची , बोलणे व्हायचे , काॅलेजच्या गमती जमती सांगीतल्या जायच्या ,

पुढे अभ्यासाचा व्याप वाढला , दोघांमधील संपर्क कमी झाला , एकदा सहजच त्याचा डिपी बघून सीमाला त्याच्याशी बोलावेसे वाटले , म्हणून तिने काॅल केला , हॅलो जतीन कसा आहेस ? डीपी तर एकदम टकाटक आहे तुझा , ती गिटार हातात , भारीच वाटतोस रे , rock star वाटतोस यार !

बस तुझ्या काॅलेजच्या मुलीतर फिदाच झाल्या असतील तुझ्यावर , काय मस्त हेयर स्टाईल केली आहेस , वा मस्तच !

ओ हो आज आरामात आहेस वाटते , बर्‍याच दिवसानंतर आपण बोलतोय , हो ना यार , अरे नवीन नवीन डिझाईन मधे डोक लावाव लागतं , मग काय सतत तेच विचार असतात , डिग्री छान घ्यायची आहे मला ,,, इथे माझ्या टॅलेंटला वाव मिळतोय,,,,आणि हो तू पण सीरीअसली अभ्यास कर,,,ते बाहेरचे छंद तर जोपास पण चांगल्या तर्‍हेने डिग्री घे बरं,,, हो ग बाई ,, अभ्यास पण सुरुच आहे ,, आणि हा थोडा टाईमपास करतो,,,, ए टाईमपासच्या नादात टाईम निघून जाईल,,, भरकटू नकोस ,,, आपल ठरल होत ,,, बाकीच्या मुलांसारख आपण फक्त टाईमपास करणार नाही,,, आईवडीलांना काहीतरी करुन दाखवायचे,,,,हो की नाही,,!

yesss आहे लक्षात , ए कोणाशी बोलतोस , मधेच सीमाला आवाज आला , सीमा आहे ! ए कोण रे ती जतीन ?

अग थांब मी थोड्या वेळाने बोलतो म्हणत जतीन ने फोन बंद केला , तुला किती वेळा सांगीतले , मी सोबत असताना दुसर्‍या कुणाचाही काॅल घ्यायचा नाही , अगं ती माझी बालमैत्रिण आहे , शेजारीच राहते , ते मला माहीत नाही , माझ्या शिवाय तुझ्या जीवनात अस हे बाल पणीची मैत्रिण वगैरे चालणार नाही , ते तिकडे बाजूला ठेव , आणि काय रे शेजारी असल्यावर इथे काॅलेजमधे फोन करुन बोलायची काय गरज आहे ? काय आहे काय तिच्या मनात ! हे बघ सिया माझ्याकडून अस काही नाही , तिच्या मनातल मला माहीत नाही ! 

काय ,,,? म्हणजे नक्कीच काही तरी गडबड आहे , 

अगं नाही गं ,, हसतच तो म्हणाला , 

नाही , काय ते एकदाच क्लीअर सांग मला ? 

आपण लगेच वेगळे होऊ ,,! अगं बाई मी गमतीने बोललो गं , तुझी रिअॅक्शन बघायची होती , 

बघ हाँ जतीन खोटा बोललास तर,,, अगं खरेच सांगतो , 

ती कुठे आणि तू कुठे ,, अच्छा ! 

हो गं , वो किस खेत की मुली है भई , मेरे सिया के सामने ! गंम्मत अंगलट यायच्या आधी जतीन ने सांभाळून घेतले , 

तरी ही ती प्रश्नार्थक नजरेने जतीन कडे बघू लागली , 

ए सिया तू पण ना , ठिक आहे बाबा , तू सोबत असली की बस तुझ्याकडेच लक्ष देणार , नो फोन काॅल्स ! 

बाय दि वे सीमा खुप चांगली मुलगी आहे , 

बस हाँ ! चॅप्टर बंद कर तिचा ! चल कॅण्टीन मधे , 

ती बेंचवरन ऊठत म्हणाली , पुन्हा माझ्या समोर तिच नाव घ्यायच नाही , समजल !

ती तावाने समोर गेली , तिच्यामागून जतीन घाईघाईने गेला कॅण्टीन मधे .

संध्याकाळी जतीन घरी परतला , अचानक त्याला सिया येताना दिसली , हे,, ए,, सिया ,, बघ आजच खुप दिवसानंतर बोललो , आणि आजच आपली भेट झाली , 

बरं कशी आहेस , हसतच जतीन ने शेकहॅन्ड करायला हात पुढे केला , 

अरे माझे हात खराब आहेत , म्हणून त्याला डावलून सीमा चालायला लागली , 

हे,,हे,, सीमा अरे यार किती दिवसानंतर आपण भेटलोत आणि अशी काय घाईने घरी चाललीस , बस थोडा वेळ , इथे बेंचवर बसुया ! 

नको मला घरी जायच आहे , बाय !

हे,,, तो धावतच तिच्या समोर येऊन ऊभा राहीला , अगं तू अशी काय करतेस , बोलत का नाहीये ? 

आणि तुझी तब्येत बरी नाहीये का ? त्याने कपाळाला हात लावत तिला विचारले , 

खुप झालं तुझ नाटक जतीन ! 

खबरदार ह्या पुढे माझ्याशी बोलला तर ,,,! 

अरे , काय झाल तुला आणि अशी का बोलतेस ,, 

त्याने तिचा हात पकडत म्हंटले , 

त्याच्या हाताला झटका देऊन रागाने ती म्हणाली , 

तू दुपारी काॅल बंद करायला विसरला होतास ,,,!

ह्या नंतर आपल्या मैत्रीला विसर तू,,,,!

आणि मुकाट्याने ती आपल्या घरी परतली,,!

जतीन शाॅक लागल्यागत तिथेच थबकला ,,,

अरे ! हे काय झाल ! 

गंम्मत अंगाशी आली , बालमैत्रीण दुरावली !

कोणत्याही कारणाने मैत्रीत गैरसमज झालेत तर पहील्यासारखी मैत्री पुन्हा होने नाही,,,,

आणि मित्र मैत्रिणींनो एक संभाषण झाल्यावर मोबाईल डिस्कनेक्ट केला का ? चेक करणेच ऊत्तम,,,,

००००००