परकीयांकडून जनतेवर होणारे
अत्याचार जिजाऊंनी पाहिले
जनतेचा होणारा छळ
पाहूनी त्यांचे मन हळहळले
जनतेच्या सुखासाठी
जिजाऊंनी स्वप्न पाहिले
आणि भवानी मातेला
जिजाऊंनी साकडे घातले
पुत्र म्हणूनी बाळ शिवाजी
जिजाऊंच्या पोटी जन्मास आले
जिजाऊंनी शिवाजींना
स्वराज्याचे बाळकडू पाजले
युद्धकला आणि शास्त्रात
त्यांना पारंगत केले
लहानपणापासून त्यांना
चांगल्या संस्कारांनी घडविले
शिवाजींनी तोरणा जिंकून
स्वराज्याचे तोरण बांधले
गनिमी काव्याने शत्रूला
राजांनी पराभूत केले
कधी शक्ती तर कधी युक्तीने
समस्यांना तोंड दिले
गड,किल्ले, प्रदेश जिंकून
आपले साम्राज्य वाढविले
गरीब जनतेचे आणि
दुःखितांचे कैवारी झाले
सर्व जनतेला त्यांनी
एका छत्राखाली आणले
आणि माता जिजाऊंनी
पाहिलेले स्वप्न पूर्ण केले
वीर व आदर्श मातेचे
पराक्रमी,आदर्श पुत्र ठरले
राजे शिवाजी जनतेचे
खरे छत्रपती झाले
जिजाऊ व राजे शिवाजी
आपल्या कार्याने अमर झाले
आणि आई व पुत्र
सर्वांसाठी आदर्श बनले