Feb 24, 2024
राज्यस्तरीय करंडक कविता

जरी दूर तू

Read Later
जरी दूर तू

जरी दूर तू




जरी दूर तू आज आहे तरीही

तुझे गीत माझ्या ओठात आहे

तुझे स्वप्न आहे नजरेत माझ्या

तुझे प्रेम जपले मी हृदयात आहे


किती ओढ आहे नभाला भूमीची

तो पाऊस होऊन येतोच ना!

मी वाऱ्यात मिसळून आले कधी तर,

सांग तेव्हा तूला ते समजेल ना?


कधी सावली मी होऊन येईल

तुझ्या उन्हाला मी बिलगून जाईल,

मी रोज तुझिया स्वप्नात येईल 

माझिया क्षणांवर तुझे राज्य राहील


श्वासात एका येईल कधी तर,

कधी स्पंदनी तुझ्या येईल मी

अश्रुत दाटून मी येईल तुझिया

अशी रोज भेटून तुला जाईल मी


राहील मी आजन्म तुझी रे

दुराव्यात ही अंतरी तू राहशील 

दोन ध्रुवांवर दोघे आपण,

ही भावना विसरून तू जाशील.



***



कवयित्री :- कोमल पाटील

कवितेचे नाव : जरी दूर तू

कवितेचा विषय : दोन ध्रुवांवर दोघे आपण

जिल्हास्तरीय कविता स्पर्धा फेरी -2

जिल्हा : नाशिक


©Komal Patil

ईरा वाचनाचा आनंद घ्या आता app मधून, आजच download करा. Download App Now
ईराच्या कथांचे कुठलेही भाग मिस करू नका, आजच जॉईन करा ईरा वाचनालय. व्हाट्सएप: व्हाट्सएप:
Circle Image

Komal Patil "कृषीकन्या"

कृषी कन्या?

//