Feb 24, 2024
राज्यस्तरीय करंडक कविता

जरा सुखाचा तपास घे रे..

Read Later
जरा सुखाचा तपास घे रे..

कवितेचे शीर्षक :- जरा सुखाचा तपास घे रे..

कवितेचा विषय- सुखाची परिभाषा

राज्यस्तरीय करंडक कविता स्पर्धा 


रिता रिता हा खिसा मनाचा रिता घडा का घरात आहे 

जरा सुखाचा तपास घे रे तुझ्या मनाच्या तळात आहे


कधी तरी तू लहान होता

लबाड मुंगीसमान होता

सुखास शोधी नभात कोठे

रसाळ खाऊ फळात आहे 

जरा सुखाचा तपास घे रे तुझ्या मनाच्या तळात आहे 


उसंत थोडी तुला हवी रे 

कळावयाला कथा नवी रे 

जसा सुखाचा ढगात साठा 

तसा घराच्या नळात आहे 

जरा सुखाचा तपास घे रे तुझ्या मनाच्या तळात आहे 


जगायचे ते कशास सोडा

उगाच माथे कशास फोडा

असो सुखाला कितीक टाळे 

हरेक चावी पळात आहे

जरा सुखाचा तपास घे रे तुझ्या मनाच्या तळात आहे 


किती किती रे उन्हे जळाली

तुझीच छाया पुढे पळाली 

शहाणपण ते कुणास फळले? 

मजा सुखाची खुळात आहे 

जरा सुखाचा तपास घे रे तुझ्या मनाच्या तळात आहे 


कुठे निघाला प्रवासपक्षी 

अनंत लाटा उधाणताना 

तुला हवा तो खुशाल मोती 

उनाड काठी बिळात आहे 

जरा सुखाचा तपास घे रे तुझ्या मनाच्या तळात आहे 

© परेश पवार `शिव"

जिल्हा - रायगड रत्नागिरी 

ईरा वाचनाचा आनंद घ्या आता app मधून, आजच download करा. Download App Now
ईराच्या कथांचे कुठलेही भाग मिस करू नका, आजच जॉईन करा ईरा वाचनालय. व्हाट्सएप: व्हाट्सएप:
Circle Image

Paresh Pawar ‘Shiv’

Free Lancer

Poet by nature; writer by practice

//