जाणून घे तू स्वतःला...भाग 10

काळ बदलला तसं प्रेम ही बदललं. पूर्वी मॉल, कॅफे असलं काही नव्हतं, मग ‘तो’ आणि ‘ती’ भेटणार तरी कुठं, तर शाळेत, देवळात, कॉलेजात, शिकवणीत. कधी दूर तलावाजवळ. वह्यांची देवाणघेवाण व्हायची आणि सुरू व्हायचं त्यांचं प्रेम. एकमेकांच्या हातात हात घालून बसण, ते चोरून पाहणं, ते लाजणं, त्यात खूप प्रेमळ भावना होत्या, आतुरता होती. खूप प्रेमवीरांना तर प्रेम व्यक्त करण्यासाठी मार्गच सापडायचा नाही, मग कुणी गुपचूप ‘तिच्या’ बेंचवर किंवा फळ्यावर तिच्यासाठी काही ओळी लिहिणार, तिच्या यायच्या रस्त्यावर शाळेतून चोरलेल्या खडूने बदामाच्या आकारात तिचं नाव लिहिणार, फारफार तर तिच्या गल्लीत दिवसातून सायकलवर पाचसहा चकरा मारणार."