जन्म बाईचा भाग १७

"जमलं तर म्हणजे. नक्की भेट घेऊया. तुझी माहेरी चार दिवस जायची ईच्छा होतीच आणि तेव्हाच आपलं इथं येण्याचं फिक्स झालं. खरं सांगू का मालती आई,बाबा,दादा पासून दूर झालो तेव्हा कळलं की लग्न झालेल्या मुलीला माहेरची ओढ का लागते? खरंच स्वतःच्या माणसापासून दूर राहणं सोप्प नाही. आपल्या मागे अनेक गोष्टी सुटतात. पावलोपावली आठवण येते. मनाचा एक कोपरा त्यांच्यासाठी हळवाच असतो. इथे आल्यावर किती तरी दिवस मला करमत नव्हतं. सर्वांची खूप आठवण यायची. खरंच फार कठीण असतं आपल्या जवळच्या माणसापासून दूर राहणं. नक्की जाऊया." हे सारं तो मनापासून बोलत होता.