जन्म बाईचा भाग १६

सूर्य मावळतीकडे झुकत होता. थंड असं वातावरण मन प्रसन्न करत होतं. मालती बाल्कनीत निवांत बसून चहाचा आस्वाद घेत होती. लहान मुलं खेळत होती. तिला लहान मुलं खूप आवडायची. असं वाटत होतं जाऊन त्या मुलांना कवेत घ्यावं. एका लहान मुलाकडे तिची नजर स्थिरावली. नटखट असं बाळ, त्याची आई त्याच्या मागे मागे पळत होती आणि ते बाळ हसत खिदळत इवलीशी पाऊलं टाकत तुरुतुरु पळत होतं. ते बघून मालतीलाही हसू येत होतं.
काही महिला ग्रुप बनवून वॉकिंग करत होत्या तर काही वयस्कर मंडळी कट्ट्यावर गप्पा मारत होते.