जगण्याला पंख फुटले भाग ६

अमेय : नाही रेवा मला साथ देत होती. खरतर तुझ्या लग्नाकरता त्या दिवशी शिवा तुमच्या घरी येवून गेला. मला कोणी काही सांगतलेचं नाही नंतर कळाले. तू लग्नाकरता मुलं बघायला तयार झाली. तेव्हाच माझी खात्री पटली तुला मी आवडत नसणारं. म्हणूनचं लग्नाकरता मुलं पाहते आहेस. आणि काही दिवसातचं लग्नाची तारखी देखील समजली.

सिंधू : शिवा पाहून गेल्यानंतर दुस-या दिवशी रेवाला तुझ्या घराजवळ पाहिलं मी. नंतर सलग आठ दिवस तुझ्या बरोबर पाहून मला वाटले तुमच्यात प्रेमसंबंध असतील. म्हणून मी शिवाला होकार देण्याचा निर्णय घेतला.

तन्वी टेरेसवर राहिलेला केक सिंधूच्या घरात घेऊन जायला वर येत असते. दोघांचही एकमेकावर प्रेम आहे . पण गैरसमजूती मुळे ते व्यक्त न झाल्याने किती मोठा त्याग करायला निघाले होते. हे तन्वीच्या लक्षात आले. तिने हि गोष्ट सिंधूच्या आई-वडिलांना सांगितली. घरी पळत जावून आपल्या आई - वडिलांना देखील तन्वीने हि गोष्ट सांगितली.
त्याच रात्री पुन्हा गोरे आणि साठे कुटूंबिय भेटले. आपल्याला हवं तसेच घडले. पण लग्नाच्या चार दिवस आधी. आता काय करायचे? शिवाच्या घरच्यांना समजवायचं तरी कसं. शिवाकडे आधीच नाटक करत असल्याचा व्हिडिओ आहे. त्याने सिंधूला खर सांगितले आणि सिंधूचा गैरसमज झाला तर?

त्यापेक्षा लग्नाच्या दिवशी अमेयला सांगून सिंधूला पळवून न्यायला सांगू. असे गोरे आणि साठे कुटूंबिय ठरवतात. सिंधू खरतर शिवाला फोन करुन सांगू शकली असती. पण आई-वडिल, नातेवाईकांचा विचार करत सिंधू लग्न करायला तयार होती. उलटं सिंधूचे आई-बाबाच तिला अमेय बरोबर पळून जायचा सल्ला देत होते.

तसे न करण्याचा निर्णय अमेय आणि सिंधूने मिळून घेतला होता. प्रेम आहे म्हणून लग्न व्हावं अस नाही. ते व्यक्त केलं यातचं दोघांनाही आनंद होता.
लग्नाचा दिवस उजाडला. चाळीत सर्वजण लग्नाच्या हाॅलमध्ये जायला निघाले. अमेय सामान गाडीत नेऊन ठेवत होता. खरतर अमेयचे डोळे आणि चेहरा लाल झाला होता. रात्रभर झोप न आल्याने नि:स्तेज, थकलेला दिसत होता. सिंधूची देखील तशीच अवस्था होती. मेकअप च्या आत थकलेलं भावनिक रुप लपलं गेलं होत. मंडपात पोहताच. साखरपुडा, हळदीचा कार्यक्रम सुरु झाला. सिंधू मनापासून लग्नाला तयार नाही हे शिवाला जाणवले. जेवण झाल्यनंतर मंडपाच्या दिशेने जाताना.एक मुलगी रडताना शिवा पाहतो.