जादू की झप्पी-मिठी 

तुझ्या मिठीत सामावताना,

आयुष्य जगण्याचे एक आश्वासन असते,

मी मात्र खूप निर्धास्त असते,

तुझ्या शरीराच्या गंधाने,बेधुंद झालेली असते,

तुझ्या स्पर्शाने,अंग नी अंग मोहरून जाते,

तुझ्या विचाराने ,मनातल्या मनात हसते,

डोळ्यांची भाषा,एकमेकांना समजायला लागते,

दिवसभराचा थकवा,क्षणार्धात विसरून जायला लावते,

मन नव्याने,उद्याच्या दिवसासाठी प्रेरणा देते,

दोन मनांचे मनोमीलन ,हेच का असते,

जे आयुष्यभर, साथ देण्याची ग्वाही देत असते.