इथे अजूनही भूतकाळ जिवंत आहे:- भाग तीन

जयला हे सगळे विचित्र वाटत होते. जणू काही सगळे नीट ठरवून कारस्थान केले आहे.
नाही म्हणायला त्याला आता त्या म्हातारीचा संशय यायला लागला होता. ती साधारण बाई नाही,
काहीतरी विचित्र आहे ह्या मागे, काहीतरी गूढ आहे! सगळेच कसे इतके नीट नेटके... तेही या जंगलात? जिथे माणसाचे अस्तित्व नाही.. मग हे कसे घडू शकते? कसे इतके जेवण , सामान कोणी आणू शकते? ही म्हातारी बाई इतके कसे सगळे बनवू शकते? शिवाय मोजून चारच ताटे, चारच गाद्या आणि ही म्हातारी जेवली सुद्धा नाही. त्याच्या मनात विचारांचे वादळ होते तेवढ्यात त्याला आवाज आला.