हे जीवन सुंदर आहे (भाग ३१)

"ए महानतेची देवी….! समजते काय गं तू स्वतःला? एवढं तुझ्या मागे मागे करायचो… तर तुझे सो कॉल्ड उपदेशाचे धडे असायचे…. आता हे नाही करायचं… नंतर ते नाही करायचं… काय तर म्हणे आधी करिअर… मग लग्न आणि मग….  अग चिक्कार पैसा आहे माझ्याजवळ! तू मला कधी तुझ्याजवळ येऊच दिलं नाहीस… कधी तुझा हातही पकडला तर तू तो लगेच झटकायची… आपल्या बॉयफ्रेंडला कसं खुश ठेवायचं हे विचार तुझ्या त्या मैत्रिणीला… ती पण आता आलीये तणतणत… पैसा फेकत होतो, महागडे गिफ्ट देत होतो तेव्हा तिची इज्जत गेली नाही का? आली मोठी….! या असल्या मुलींची हीच लायकी असते… या असल्या पन्नास मुली फिरवू शकतो मी, कळलं का?" वीरेनने बोलता बोलता तिथे ठेवलेली एक दारूची बॉटल उघडली आणि एका दमात सगळी दारू पिऊन टाकली.