हाराकिरी भाग ३

“तू मेघनाला का सारखे फोन करत होतास?” राघवने कडक आवाजात विचारले.
शेखर गडबडला.
“साहेब, मला काहीच माहीत नाही."
" मग तू तिला सारखे फोन का करत होतास?"
" मी त्यांच्या कंपनीत क्लीनर होतो. तिची काही खाजगी कामे मी केली होती साहेब."
"कसली खाजगी कामे? जे काही आहे ते सगळे खरे खरे सांगून टाक. नाहीतर तुझी रवानगी तुरुंगात करेन."
" कंपनीतील एक फाईल गायब करण्यासाठी तिने माझ्याकडे मदत मागितली होती.”
“कुठली फाईल?”
“माहित नाही साहेब; पण त्या ऑफिसमध्ये काहीतरी मोठे प्रकरण चालू होते. तिने मला सांगितले होते की, ती मोठ्या संकटात सापडली आहे.”