Feb 24, 2024
राज्यस्तरीय करंडक कविता

गूढ जीवा शिवाचे

Read Later
गूढ जीवा शिवाचे

राज्यस्तरीय साहित्य करंडक

फेरी -२ ,कविता

विषय - दोन ध्रुवांवर दोघे आपण

शीर्षक - गूढ जीवा शिवाचे

टीम - भंडारा



*गूढ जीवा शिवाचे*



तू निर्गुण निराकार

तुझा निरपेक्ष व्यापार

तुझ्या सगुण रुपास

मी शोधीले अपार



गुरफटले मी मायेत

भवती जडत्वाचे फासे

परी वेडे मन माझे 

वेध तुझा घेत असे



वेद शास्त्रे पुराणे

सांगती जीव हा नश्वर

करू कोणता उपाय

मज भेटेल ईश्वर



गूढ अगम्य रूप तुझे

कळवया ते गहन

तुझ्या भेटीलागी माझे

कंठी आले पंचप्राण



ऐलतीरी  जीव माझा

पैलतीरी  तुझे स्थान 

येऊ कशी तुजपाशी

चक्र जन्ममृत्यूचे भेदून



©® मुक्ता बोरकर - आगाशे

      मुक्तमैफल


ईरा वाचनाचा आनंद घ्या आता app मधून, आजच download करा. Download App Now
ईराच्या कथांचे कुठलेही भाग मिस करू नका, आजच जॉईन करा ईरा वाचनालय. व्हाट्सएप: व्हाट्सएप:
Circle Image

Mukta Borkar- Agashe

Private Practitioner

मी एक खाजगी वैद्यकीय व्यावसायिक असून मला कथा आणि कविता लिहिण्यात अभिरुची आहे.

//