अंधारातून प्रकाशाकडे

कवितेचे नाव : अंधारातून प्रकाशाकडे

कवितेचा विषय : मीच माझ शिल्पकार

राज्यस्तरीय कविता स्पर्धा फेरी - २

नाशिक.

पुरे झाले स्वत:ला दोष देणं
नेहमीच कमतरता जाणवते
तुलना करता इतरांशी
अधुर जीवन क्षणात भासवते ||१||

नियतीचा फिरला विचित्र फेरा
गोष्टीत कोणत्या रमवावं मन
वास्तवात न रुजे विचारांच चक्र
नैराश्याने शरीर गेल थकून ||२||

घरट्यातून दूर जावेसे वाटे
काळोखात स्वत:ला बंद कराव
अपयशाने खचून जावून
आयुष्य आपल आपणचं संपवाव ||३||

सांजवेळी दिसता आशेचा किरण
उपजत कला दृष्टिस पडली
जिद्दीने पेटून उत्साहाची ज्योत
कार्य करण्या उभारी धरली ||४||

विजयाची पताका गगनी झळकली
स्वत:लाच उमगले गुपित यशाचे
कौतुकाचा सोहळा दारी सजला
नव्याने गवसले सूर जीवनाचे ||५||

©®प्रज्ञा तांबे बो-हाडे