सासू नव्हे सखी..

         "अग भीती कोणाची वाटते तुला? अग विघ्नहर्ता आहे गणराया... आपल्या प्रत्येक संकटाला निवारण्याचे साकडे घालतो आपण त्याला... तो कस संकटात टाकेल?.... हे बघ बाळा... मी नास्तिक नाही ....मी स्वतः देवधर्म पाळते...पण काही गोष्टींकडे डोळसपणे पाहावे.. पूर्वी एकत्र कुटूंब पध्दती होती.. घरात स्त्रियांची संख्या जास्त होती त्यामूळे एकीला अडचण आली तर दूसरी असायची कामाला... त्यामूळे सर्व नियम पाळले जायचे.. बर या काळात पूजा करू नये की करावी या प्रश्नावर बरेच चांगले वाईट मत आहेत... आपण फक्त आपल्या पुरते पाहायचे... बाईला या काळात विश्रांतीची गरज असते म्हणून आराम करावा पण जर तुला खरच मनापासून पूजा करायची आहे तर बाकी काहीही विचार करू नको... आजपर्यंत मी याच दडपणा खाली वावरली... माझ्या सासूबाई जुन्या वळणाच्या होत्या... माझे विचार प्रगत असले तरी माझे काही चालले नाही कोणासमोर.... पण आता तू तुझ्या मनाविरुध्द जुन्या रूढींना कवटाळत बसायची काही गरज नाही... जे तुला पटत नाही व योग्य नाही असे वागायची सक्ती नाही... कोणालाही काहीही सांगायची, स्पष्टीकरणाची गरज नाही.. मी आहे तुझ्याबरोबर.... प्रसन्न मनाने बाप्पाची प्रतिष्ठापना करा... सुहास आणि सगळे वाट बघतायत बघ... "