फिशटॅन्क भाग ५

या सर्व विचारांच्या व्यापात एमा झोपी जाते. गाढ झोपेत असताना तिला एक स्वप्न दिसते. त्या स्वप्नात पुन्हा तीच लोकं .यावेळी एमा प्रत्येक पात्राला ओळखत होती. तिने फोटोत पाहिलेले सर्वजण तिला दिसू लागतात. पण यावेळी स्वप्नात तिला तिच्या बालपणीच्या काही घटना दिसतात. एमा एका अनाथ आश्रमाच्या गेटजवळ रडत बसली होती. एक कुणीतरी नन येऊन तिला घेऊन जाते. तिथे तिला एमा हे नाव मिळत. पुढे अजून काही कळणार इतक्यात एमा दचकून डोळे उघडते. खूप धावून आल्यासारख्या धापा एमाला झोपेतून जागी होताच लागतात. ती पाणी शोधते पाण्याचा जग तिच्या थरथरत्या हातातून निसटतो. पाणी सांडत म्हणून पाणी घेण्याकरिता एमा खाली उतरते. खाली येत असताना जिन्याजवळील खोलीला पाहते तर खोली बंद असते. एमा सरसर खाली उतरते तर अंगणात उजेड पाहून एमा त्या उजेडाला पाहतच राहते. अंगणात तिने स्वप्नात पाहिल्यासारखं सर्व दिसत होतं. बलविंदर , सिमर सोबत त्यांची दोन्ही अपत्य कुसूमला एमा फार निरखून पाहते अगदी निरागस मुलगी. तिच्या मानेवरील तीळ एमा पाहू शकत होती. तो उजेड तिला पुन्हा बलविंदरच्या खोलीत घेऊन जातो. तिथे बलविंदर सिमर ला खूप मारतो इतकं की सिमर बेशुद्ध होते. बलविंदरच्या हातात रुमाल होता काहीतरी लावलेलं. तो सिमरचे तोंड दाबतो त्याने. खोलीत एक दरवाजा असतो ज्यात आडवं करून बलविंदर सिमरला आत कोंडतो. नंतर सिमरचं काय होतं एमाला कळत नाही पण बलविंदर पुन्हा खाली येतो व सिमरच्या जुळ्या बहिणीला घरामागच्या दरवाज्यातून घरात आणतो तेव्हा रात्रीचे दोन वाजलेले असतात. हे सर्व पाहून एमाचा थरकाप उडतो. एमा स्तब्ध एका जागी उभी असते तिच्या समोर सिमर येते म्हणते "बेटा ! आठवडा भरात बलविंदर येईल त्याला सोडू नको " म्हणत सिमर नाहीशी होते.