एक पुनर्जन्म

" एक नाही खुप कमी आहे तुमच्यामध्ये. पहिली गोष्ट, जर आधीच एक मुलगी, तुमच्या घरात नाव अभ्यासात पहिली येऊन उज्वल करतेय, तरी तुम्हाला दुसरी मुलगी सांभाळायला कमीपणा वाटतोय. दुसरी गोष्ट, आत्ता एकुलती एक आहे, म्हणून तुम्ही तिचे लाड करत नसाल हे कशावरून? तिसरी गोष्ट, उद्या चुकून तुमची नात तुमच्याशी उलट उत्तर देऊन बोलली, तर कशावरून तुम्ही तिला \"पोरीची जात\" असे म्हणून हिणवणार नाही? चौथी गोष्ट, कशावरून तुम्हाला मुलगा झाल्यावर तुम्ही तुम्ही त्या मुलीला नीट सांभाळाल? तुमचा आत्ताचा आवेश बघून तरी मला वाटत नाही तुम्ही तिला नीट सांभाळाल! पाचवी आणि सर्वात महत्वाची गोष्ट, कशावरून नातू घरात आल्यावर तिला कमीपणाची वागणूक मिळणार नाही? कशावरून तिच्यावर मानसिक अत्याचार होणार नाहीत? या गोष्टीवर तर मी रिस्क घेऊच शकत नाही. त्यामुळे जर तुम्हाला अबोर्शन करायचेच असेल, तर आधी मला तुमच्या नातीला दत्तक द्यावे लागेल. ", डॉक्टर देसाई दोन सेकेंद थांबले.