डोळस रात्री भाग २

तो अमेय, वय वर्ष तेच जे नीरजच २७. उंचपुरा, जरा गव्हाळ रंगाचा. पण आत्मविश्वासाने ठासून ठासून भरलेला. माणस जोडण्यात तरबेज. त्याच्या कामाच्या ठिकाणी त्याच्या हाताखाली आणि त्याच्यासोबत काम करण्यासाठी तिथला प्रत्येक जण धडपड करायचा. आताही त्याला एक प्रोजेक्ट मिळत होता. ज्यासाठी तो त्याच्या बॉसच्या केबिनला बसलेला होता. त्याचीही मिटिंग संपत आली होती. तेवढयातच त्याला मोबाईल वाजू म्हणजेच थरथरू लागला. बिचारा तो पूर्ण दिवस सायलेंटवर असायचा. त्यामुळे तो फक्त थरथर करायचा. आता चालू असलेली मिटिंग संपतच आली असल्याने त्याने काही फोन बघितला नाही.