घटस्फोट ( भाग 3 )

तिच्या आईवडिलांना लेकीचा असा संसार पाहताना खूप वाईट वाटत होते.मनिषाने आपल्या गुणांनी मिळवलेले यश,तिची प्रगती हे सर्व खूप कौतुकास्पद होते. पण त्यासाठी नात्यांचे तुटणे ..हे त्यांना आवडले नव्हते.
घटस्फोटाचा मनिषाच्या आयुष्यावर काही परिणाम दिसत नव्हता. पण घटस्फोटामुळे महेशचे आयुष्यचं बदलून गेले होते. अगोदरच शांत राहणारा महेश.. अजूनच खूप शांत व दुःखी राहू लागला. त्याची ही स्थिती पाहून मनिषाच्या आईवडिलांनाही वाईट वाटायचे. त्याचे कोणत्या शब्दांत सात्वन करावे. हे ही त्यांना समजत नव्हते. तो त्यांच्याशी पूर्वी प्रमाणेच आदराने, प्रेमाने वागायचा आणि आर्यहीला भेटण्यासाठी तो उत्सुक असायचा.
तो ही हुशार होता. चांगल्या पगाराची नोकरी करणारा होता. जीवनात पैसे असणे गरजेचे आहे , पण नात्यांना जपणे हे ही महत्त्वाचे असते. असे त्याचे मत होते.
जीवनात आपण जितकी प्रगती कराल तितक्या आपल्या अपेक्षा वाढतचं जाणार आणि यशाच्या मागे धावता धावता आपण आयुष्यात खूप पैसा,प्रसिद्धी जरी मिळवत असलो तरी खूप काही गमवत असतो आणि नंतर वेळ निघून गेल्यावर उरतो तो फक्त पश्चाताप!