धागे मनाचे (भाग - ५)

"अनुश्री, मला माफ कर. त्यादिवशी रागाच्या भरात तुझ्या अधू झालेल्या पायांविषयी मी खूप वाईट बोलले, पण हे तू स्वतःहून ओढून घेतलेलं नाहीयेस. मी दुसऱ्यांच्या बोलण्यात येऊन चुकीचा निर्णय घेत होते, पण ह्यात माझ्या मुलाचा आनंद आहे का? ह्याचा विचारच केला नाही. आज सगळ्यांसमोर मी तुला माझ्या मुलासाठी लग्नाची मागणी घालतेय. माझ्या मुलाशी लग्न करशील?" सुधा ताईंनी अपेक्षेने विचारलं, तशी अनुश्री त्यांच्याकडे आश्चर्याने बघू लागली. एक नजर तिने सार्थककडे पाहिलं. तो हसून तिच्याकडे पाहत होता. तशी अनुश्री रडायला लागताच सुधा ताईंनी पुढे येऊन तिला मिठीत घेतलं.