" तुला कोण आवडतो ? उंच की बुटका ?" हा संवाद कानावर पडला.
त्या वरुण-सिद्धार्थबद्दल बोलत होत्या. शाळेत खूप चर्चा चालायची सिनेमाची. त्याकाळी तीन खान , हृतिक , अक्षय हे तेच तेच चेहरे असत. हे फ्रेश चेहरे सर्वाना आवडले. माझा एक मित्र म्हणून गेला , " दिसायला इतका भारी हिरो आजवर बॉलिवूडमध्ये बघितला नाही. " तो वरुण धवनबद्दल बोलत होता. मिडल क्लास असल्यामुळे मला सिनेमात अभिमन्यूशी जास्त कनेक्ट होता आले पण रोहनची मैत्रीही भावली. मान्य करा किंवा नको करू , त्याकाळी प्रेक्षक " outer appearance " ला जास्त महत्व देत. कॅटरिना हिला हिंदी येत नाही. तरीही मी तिचा फॅन आहे ते याच कारणामुळे. या दिसायला सुंदर असले तरी तिघांनी आपले अभिनय कौशल्यही सिद्ध केले आहे. " स्टुडंट ऑफ द यिअर 2 " देखील बनवला गेला. ज्यात टायगर श्रॉफ , अनन्या पांडे , तारा सुतारिया यांच्या भूमिका होत्या. पण तो सिनेमा आपटला. कारण हल्लीचा प्रेक्षक बदलला आहे. त्याला फक्त गुणवत्ता हवी. चांगली कथा हवी. बॉलिवूड इंडस्ट्रीत येऊन दहा वर्षे पूर्ण झाल्याबद्दल आणि भविष्यासाठी या तिघांना मनापासून शुभेच्छा.
©® पार्थ धवन