पांडव भाग ५९

"तसं नव्हे. तुमच्या कामाच्या दगदगीत तुम्हाला वेळ मिळणं कठीण होतं. हे मला माहित आहे आणि मला तसं वाटलं तर मीही तुम्हाला फोन करून बोलवून घेइन इथे. कस आहे, माझंही कामाचं शेड्युल नीट बसलेलं नाही. त्यामुळे मी तुम्ही आल्यावर वेळ देऊ शकेल असं नाही. समजून घ्या. मी आज तुला इथे बोलावलं कारण मी इथे आहे हे तुला मला सांगायचं होतं. त्याचं बरोबर तुम्ही सध्या जी केस सोडवत आहात, ती खूपच हाई प्रोफाइल केस आहे. काही मदत लागली किंवा कुठे ओळख लागली तर बिनधास्त सांगा. माझी सीबीआयच्या बाहेरही बरीच माणसं आहेत." बॉसची वाक्य आणि त्यांच्या हावभावांना सॅटिस्फाय करत नव्हती. ते बोलते होते एक आणि त्यांचे हावभाव दुसरंच काही सांगत होते; पण नंदू आणि सांज दोघेही जास्त खोलात न शिरता मानेनेच होकार देऊन तिथून निघाले.