पांडव भाग ५८

" नो निड टू से सॉरी. तुम्ही दोघेही तुमच्या जागी बरोबर आहात आणि मीही. नाही मी बरोबर आहे की चूक आहे; हे आता माझं मलाच कळत नाही. एक काळ होता. जेव्हा मला माझा निर्णय बरोबर वाटत होता; पण आता वाटतंय, मी माझ्या आयुष्यातली अक्षम्य चूक करून बसलो आहे आणि त्याची शिक्षा नंतर नाही; तर देव आताच मला देतोय. स्वतःचं कुटुंब असूनही एकटेपणा काय असतो, हे मला चांगलेच लक्षात येते. अयु, तो त्याच्या जागी बरोबरच आहे. त्याचं दुःख, त्याचा क्षोभ, त्याला होणाऱ्या वेदना मी कमी कधीही भरून काढू शकत नाही; पण भूतकाळात मागे जाण्यापेक्षा त्याच्या सावलीतून वर्तमान काळाला बाहेर काढून तो मोकळेपणाने जगावा. जेणेकरून अयुच्या भविष्यावर त्याची सावली पडणार नाही." मोहनच्या चेहऱ्यावर स्पष्ट अपराधीपणाच्या छटा दिसत होत्या.