पांडव भाग ४१

"एका अपघातात आई वडील गमावलेला छोटा दोन अडीच वर्षांचा मी, आजोबांचा हात धरून घरकुल मध्ये आलो. तेव्हा पासून हे घरकुल माझं बनलं आणि मी याचा. आजोबांनी, आम्हांला सगळं दिलं. मूलभूत गरजांपासून ते आमचं शिक्षणं. तुला आठवतं? आपली पहिली भेट झाली; तेव्हा मी तुला माझ्या मित्राबद्दल सांगितलं होतं. मयूर त्याचं नाव. माझा इथला पहिला मित्र. आम्ही जवळपास एकाच वयाचे. इथेच लहानाचे मोठे झालो. अभ्यासात खूप हुशार दोघेही स्कॉलरशिप मिळवून मोठ्या कॉलेज मध्ये गेलो." सांगताना तो उठून उभा राहिला. त्याच्या शब्दात आणि डोळ्यात एक वेगळीच चमक होती.