पांडव भाग १७

पोलिस इनस्पेक्टर खूप विचारात आपल्या केबिनमध्ये बसले होते. डोक्यावर गरगर फिरणारा पंखा सुद्धा त्यांना आता आराम देत नव्हता. काय झालं होतं आणि काय घडून गेलं. त्या सगळ्याचा विचार त्यांच्या डोक्‍यात घर करून बसला होता. इतके दिवस ते या केसमागे परिश्रम घेत होते.
शेवटी प्रकरण हाताबाहेर जाऊन त्यांना वरून ऑर्डर आल्या. तेव्हा त्यांना कालच ती फाईल सीबीआयकडे पाठवावी लागली आणि हा प्रकार आज घडावा. त्यांची मती खुंटली होती. तेवढ्यात बाहेर आवाज येऊ लागला. केबिनच्या बाहेर गेले तर पुढ्यात सांज, तिरुपती आणि स्वामी उभे होते.