चिकटवलेली अभिधानं भाग१

               आपल्या मुलीचं लग्न नाही झालं तर, आपल्यानंतर तिला कोण सांभाळेल . हेही चिंता त्यांना खात होती .एखादा गरीबाचा होतकरू मुलगा शोधून रेवाचे लग्न लावून दयायचे व त्याला आपण मदत करायची अशीही त्यांची तयारी होती . रेवाचं कसे होईल ? . लग्न न होता समाजात जगणं सोपं नाही . अशी चिंता रेवाचे आईवडिल बोलून दाखवायचे त्यावेळी रेवा म्हणायची ," खरं तर उच्चशिक्षित मुलीला कुणी सांभळण्याच्या चिंतेपेक्षा तिला जगतांना कुणाची तरी सोबत मिळावी ही इच्छा असणे गैर नाही परंतु चिंता वाटणे यातून मुलीला कमजोर समजण्याची , परावलंबी समजण्याची मानसिकता दिसून येते. स्त्री असो वा पुरुष दोघांनाही एकमेकांची सोबत हवी असते .ती केवळ स्त्रीलाच लागते असे
नव्हे ना बाबा ."