भेटली ती पुन्हा (भाग १४)

संजयही आपल्या मित्रांसोबत माथेरानच्या रम्य वातावरणात पोहोचला. घाई गडबडीत हे सगळं तो मंजिरीला कळवायला विसरला होता म्हणून मग एक मेसेज करून मी मित्रांसोबत दोन दिवस माथेरानला आलोय हे तिला कळवून टाकलं त्याने. लगेच मंजिरीचा रिप्लाय आला होता "enjoy.. will miss u.. come soon" तिच्या या सकारात्मक रिप्लायमुळे संजयला आपण मंजिरीवर अन्याय करत आहोत असं त्या क्षणी वाटलं आणि या दोन दिवसाच्या पिकनिक नंतर मस्त रिफ्रेश होऊन आपण मंजिरीसोबतच्या आपल्या नव्या आयुष्याला सुरुवात करायला सज्ज होऊया असा विचार करून टाकला. त्या सात जणांनी मिळून ज्या हॉटेलमध्ये रूम बुक केली होती तिथे संजयने आपली बॅग कपाटात ठेवली आणि तो इकडे तिकडे बघतच होता इतक्यात त्याचा मित्र नचिकेत तिथे आला आणि सोफ्यावर बसून संजयला म्हणाला "मस्त आहे ना इथलं वातावरण..."