भेटली तू पुन्हा! भाग - तेहतीस

त्यांच्यासोबत कसेबसे दोन घास ढकलून ती तिच्या कामाच्या रूममध्ये आली.. डिझाइन पाहून तिने कापड कट करायला सुरवात केली. बोटांमुळे त्रास होत होता पण काम करणं गरजेच होत. खाली कपडा पसरवून डिझाईन नुसार एक एक भाग कट करून पुन्हा पिना अडकवून दिल्या. या कामात सकाळचे चार वाजले. आता हात आणि कंबर भरल्यामुळे तिने उभ राहून हात पाय स्ट्रेच केले आणि रूमच दार लावून ती तिच्या रुममध्ये गेली.. बेडवर तिने स्वतःला झोकून दिलं. डोळे तर बेडवर गेल्यावरच बंद झाले. सकाळी राजच्या चुळबुळी मुळे आणि सुंगधित वासाने तिला जाग आली.. जडावलेले डोळे जबरदस्तीने उघडायचा प्रयत्न करत होती. डोळे उघडून पाहिले तर समोर ताजे सुवासिक फुलांचा गुच्छ घेऊन राज बेडवर बसून तिच्या उठण्याची वाट बघत होता..