भ भ भिशीचा भाग १

" हो ताई , आता घर म्हंटले की एखादे जळमट असायचंच. त्यात एवढा कलकलाट करण्यासारखं काय होतं? तिच्या घरी पण मीच कामाला जाते. तिथे मी फक्त भांडी घासते. झाडूपोछा करणारी दुसरी बाई आहे. मला दिसतं ना तिच्या किचनमध्ये किती जळमटं लोंबकळत असतात ते."
" हो का? मग हे तेव्हा का सांगितले नाही तुम्ही? तुम्ही होता ना तेव्हा इथेच? तिचा कलकलाट ऐकून सगळ्याजणी कशा खुसुपुसु गालातल्या गालात हसत होत्या. माझ्या भिशी पार्टीचे तीन तेरा वाजवले तिने." नीता म्हणाली.
" असं कसं सांगणार ताई? ती बाई आधी किती भांडकुदळ आहे माहीत नाही का तुम्हांला? मला कामावरुन काढून टाकलं असतं. एकवेळ त्याचं काही वाटलं नसतं मला, पण तिथं सगळ्यांसमोर माझ्या झिंज्या धरुन मला लोळवलं असतं तिनं. लय डेंजर बाई आहे ती." मावशी म्हणाल्या.
" बरं आता पुन्हा तसे काही घडायला नको. तुम्ही सगळी साफसफाई व्यवस्थित करुन घ्या. संध्याकाळी बरोबर चार वाजता परत या. वेळ करु नका. त्यांना पाचचे टायमिंग दिले आहे." नीता म्हणाली.
क्रमशः ©® सौ. हेमा पाटील.