अट्टाहास-भाग-३(अंतिम)

रात्री सुनिता तिच्या नवऱ्याशी शांताबद्दल बोलली. तेव्हा तिचा नवरा तिला म्हणाला, "हे बघ सुने, अगं हजार, दोन हजार मदत आपण करू शकतो. आता काही दिवसात तुझी डिलीव्हरी होईल. तेव्हा त्यासाठी मी तजबीज करतोय. तिला दहा हजार देऊन नंतर तिने वेळेवर दिले नाहीत तर ऐनवेळेस  काय करणार आपण? आणि ती देणार तरी कशी? तेव्हा हे एक हजार टेकव तिच्या हातावर. बाकी जमणार नाही म्हणून सांग. अशा लोकांना जास्त डोक्यावर चढवून ठेऊ नकोसं. काय माहिती तिला फी भरायला पाहिजे की आणखी कशासाठी? तेव्हा उगीच नसती झंजट लावून घेऊ नकोस."