अस्पर्शीत रानफूल ( भाग एक )

एखाद्या व्यक्तीवर संकट येणं आपण समजू शकतो. पण अगदी जन्मल्या पासून, म्हणजे अगदी आपल्या आई वडिलांचाही आपल्याला ठिकाणा आपणास माहीत नसावा. ईतकच काय आपल्याला आपलं नावं कोणी ठेवलय हेहि माहीत नसण, आपण कुठं जन्मलो, कशासाठी जन्मलो आणि आताही का जगतो आहोत या कोणत्याही प्रश्नांची उत्तरं माहित नसलेल्या सोमाली मॅमच आयुष्य म्हणजे वेदनांचा महाउच्चार आहे. या वेदना एकट्या सोमालीच्या नव्हे तर जगातल्या स्त्री म्हणून भोगाव्या लागणाऱ्या असंख्य स्त्रियांच्या नशीब नावाच्या प्राक्तानाची ही कहाणी आहे. जी वेळ कोणावर कधीही येवू नये. कितीतरी स्त्रियांच्या अनामिक कहाण्या या नरकात अश्रुंमध्ये संपून जातात. ज्याचा कधी थांगपत्ताही लागत नाही. अशा देहविक्रीच्या धंद्यात सोमालीला तिच्या नवऱ्यानेच ढकलल. पण आयुष्याकडून कसलीही अपेक्षा नसलेल्या सोमालीने हे तिचं प्राक्तन नशीब म्हणून स्वीकारलं. कारण लढण तिच्या स्वभावातच नव्हत.